HWÆT: WE GARDENA IN GEARDAGUM
þeodcyninga þrym gefrunon.
Hu ða æþelingas ellen fremedon!
Oft Scyld Scefing sceaþena þreatum
monegum mægþum meodosetla ofteah,
egsode eorl, syððan ærest wearð
feasceaft funden. He þæs frofre gebad,
weox under wolcnum, weorðmyndum þah,
oð þæt him æghwylc þara ymbsittendra
ofer hronrade hyran scolde,
gomban gyldan. Þæt wæs god cyning.
Ðæm eafera wæs æfter cenned,
geong in geardum, þone God sende
folce to frofre. Fyrenðearfe ongeat.
Þæt hie ær drugon aldorlease
lange hwile. Him þæs Liffrea,
wuldres wealdend, woroldare forgeaf.
Happy Woden’s Day, everyone!